LEARNING PATH / 按你想做到嘅事開始

AI 圖片與設計學習路線｜由參考風格到局部修改

有一張鍾意嘅參考圖，但唔知點樣形容？可以先拆解佢嘅構圖、色調、光線同字體，再用自己嘅題材建立初稿。已有初稿嘅話，就直接跳去局部修改。

作者：Rap · 內容與延伸閱讀更新：2026年9月23日

開始前，準備好呢幾樣。

先定作品用途同尺寸，例如網站封面或直向貼文。用自己擁有或可合法參考嘅素材，記低想保留嘅視覺特點，同要換走嘅人物、文字及品牌內容。

STEP 1

跟住教學將參考資料整理成構圖、顏色、字體、光線同風格描述，再填入自己嘅內容。呢一步嘅成果係一段可修改嘅 Prompt，唔係承諾完全複製原圖。

STEP 2

先對照尺寸、主要物件、文字同整體風格。局部有問題時，圈出位置，講清楚要改成乜，以及其他邊啲部分唔好郁，避免每次重寫成份指令。

放大檢查繁體中文字、人物細節、品牌標誌同裁切邊界，再用手機睇一次。將最終 Prompt、修改指令及核對結果一齊保存，下一張先有可靠起點。